牛熊證 Callable Bull/Bear Contracts ‧ 下回
10/12/2019
回顧上回，我哋同大家溫故知新咗牛熊證嘅運作同強制收回機制，今日承接話題繼續深入介紹牛熊證🤗
💡牛熊證被強制收回之後，投資者點先會知自己有冇得拎返剩餘價值？剩餘價值又係點計算呢？
牛熊證被強制收回，投資者要等觀察期完結、牛熊證結算之後，先會知道有冇得拎返少量剩餘價值。
觀察期：發生被強制收回事件嘅交易時段淨底嘅時間，同埋緊接下一個交易時段。
牛證結算價：觀察期內相關資產最低位
熊證結算價：觀察期內相關資產最高位
如果相關資產價格喺觀察期內觸及行使價，剩餘價值就會變為零。
相反，如果相關資產價格喺觀察期內未有觸及行使價，投資者就可以拎返剩餘價值。
牛證剩餘價值=(結算價 - 行使價)/換股比率
熊證剩餘價值=(行使價 - 結算價)/換股比率
💡點解啲人會話買賣牛熊證比起證券風險更加大？
牛熊證具有槓桿效應，所以牛熊證價格嘅升幅或跌幅都會被倍大，投資者嘅回報及損失率都相應會被倍大。加上牛熊證設有強制收回機制，如相關資產價格跌穿(牛證)或升穿(熊證)收回價，該產品就會被強制收回並停止買賣，所以相對風險更加高。
#N2NAFE #牛熊證 #CallableBullBearContracts
